تعارف
تمام والدین کی خواہش ہوتی ہے کہ ان کے بچے نہ صرف اُن سے قریب رہیں بلکہ اپنے دل کی باتیں بھی ان سے شیئر کریں۔ لیکن آج کے دور میں مصروفیات، موبائل اور دباؤ کی وجہ سے اکثر والدین اور بچوں کے درمیان ایک جذباتی فاصلہ پیدا ہو جاتا ہے۔ اگر آپ چاہتے ہیں کہ آپ کا بچہ آپ پر بھروسہ کرے اور آپ کے قریب رہے تو ضروری ہے کہ آپ اس کے ساتھ ایک مضبوط جذباتی تعلق (strong emotional bond) قائم کریں۔
بچے کو سنیں اور توجہ دیں
اکثر والدین بچے کی بات کو سننتے ہیں مگر جواب جلدی جلدی دے کہ بس جان چھڑانے کی کوشش کرتی ہیں۔ لیکن بچے کو سب سے زیادہ ضرورت صرف یہ ہوتی ہے کہ کوئی اس کی بات توجہ سے سنے۔
جب بچہ بات کرے تو موبائل یا دوسرا کام چھوڑ دیں۔
آنکھوں میں آنکھیں ڈال کر سنیں۔
بچے کی بات کو اہمیت دیں۔
– اس طرح بچے کو یہ احساس ہوگا کہ اس کے جذبات اور خیالات اہم ہیں۔
محبت اور تعریف کا اظہار کریں
بچے کو صرف “ڈانٹ” یا “غلطی پکڑنے” سے نہیں بلکہ محبت اور تعریف سے زیادہ سیکھنے کو ملتا ہے۔
چھوٹی کامیابیوں پر بھی تعریف کریں۔
گلے لگائیں اور شفقت کا اظہار کریں۔
مثبت جملے بولیں جیسے: “تم میرے لیے بہت خاص ہو”۔ یا مجھے تم پر فخر ہے۔
یہ الفاظ بچے کے دل پر جادو کا اثر رکھتے ہیں اُن میں اعتماد اور والدین کے لیے محبت پیدا کرتے ہیں۔
معیاری وقت (Quality Time) گزاریں
بچے کے ساتھ وقت گزارنا سب سے بہترین سرمایہ کاری ہے۔
روزانہ چند منٹ بچے کے ساتھ کھیلیں۔
ساتھ میں کہانیاں پڑھیں۔
کھانے کے وقت ہنسی مذاق کریں۔
– یاد رکھیں، بچے کو کھلونے یا چیزوں سے زیادہ آپ کی موجودگی چاہیے۔
بچے کے جذبات کو سمجھیں
جب بچہ رو رہا ہو یا غصے میں ہو تو فوراً “خاموش ہو جاؤ” نہ کہیں۔ اس کے بجائے اس کے جذبات کو نام دیں۔
“میں جانتی ہوں تم اداس ہو۔”
“تمہارا غصہ جائز ہے، لیکن ہم اس کا حل ڈھونڈ سکتے ہیں۔“
اس سے بچہ یہ سیکھتا ہے کہ اس کے جذبات کی عزت کی جاتی ہے۔
حدود(Boundaries) قائم کریں مگر محبت کے ساتھ
بچوں کو آزادی کے ساتھ ساتھ حدود بھی ضروری ہیں۔ لیکن یہ حدود سختی سے نہیں بلکہ نرمی اور وضاحت سے ہونی چاہییں۔
واضح کریں کہ کس رویے کی اجازت ہے اور کس کی نہیں۔
سزا کے بجائے رہنمائی کریں۔
اصولوں میں مستقل مزاج رہیں۔
-اس سے بچہ سیکھے گا کہ آپ محبت کرنے والے ہیں مگر اصولوں کے ساتھ۔
. خود ایک رول ماڈل بنیں
بچے وہی کرتے ہیں جو والدین کرتے ہیں۔ اگر آپ چاہتے ہیں کہ آپ کا بچہ پُر اعتماد، ایماندار اور محبت کرنے والا ہو تو سب سے پہلے یہ سب صفات آپ میں ہونی چاہییں۔
بچوں کی قدرتی صلاحیتوں کو دبانے کے بجائے نکھاریں ۔ جیسے کسی بچے میں اگر لیڈرشپ موجود ہے تو اسکو جھگڑالو لیبل نا کرئیں بلکہ اُسکی اس صلاحیت کو اچھے سے نکھاریں اور اسکو emotional intelligence سیکھائیں